İranın dini lideri azərbaycanlı qadına övladına turkcə öyrətməyi tövsiyə edib.
İran ali dini liderinin şəhid ailələri ilə görüşü zamanı maraqlı anlar yaşanıb.
Şəhid övladının gətirdiyi məktuba baxan ve uşaqla söhbət edən Ayətullah Seyid Əli Xameneyi uşaqdan Azərbaycan dilində “sən türksən, ya farssan”, deyə soruşur. Uşağın anası türkcə başa düşdüyünü, ancaq danışa bilmədiyini deyir.
Ayətullah Xameneyi uşağın anasına müraciət edərək uşaqların kuçədə, məktəbdə farsca öyrəndiyini, buna görə də onlara evdə türkcə öyrətməyin vacibliyni, bununla da iki dil biləcəklərini deyir.
Video dini liderin rəsmi səhifəsində yayılıb.