“Rusiya bilməlidir ki, hədələri cavabsız qalmayacaq”

NATO Parlament Assambleyasının 62-ci iclası İstanbulda keçirilib. İclasda çıxış edən NATO PA-nın sədri Mixail R.Turner Rusiya haqqında kəskin fikirlər səsləndirib. Turner çıxışı zamanı deyib ki, “Rusiya beynəlxalq öhdəlikləri pozaraq Krımı işğal edib, Suriyada Bəşər Əsəd rejiminə dəstək verib və nəticədə milyonlarla insanın ölkədən didərgin düşməsinə, yüz minlərlə insanın isə həyatını itirməsnə səbəb olub”.

Turner Varşavada liderlərin görüşündə Rusiya təhlükəsinə qarşı Baltikyanı ölkələrdə, Polşada, Rumıniyada, Ukraynada NATO-nun alt bazalarının gücləndirilməsinin vacibliyinin vurğulandığını qed edib. Turner bildirib ki, Rusiyanı fikirlərindən və əməllərindən daşındıra bilmək üçün vasitələrə sahib olmalıdırlar. Rusiya bilməlidir ki, bu hədələri cavabsız qalmayacaq.