Bu gün Bakı Apellyasiya məhkəməsində hakim Əflatun Qasımovun sədrliyi ilə AXCP sədrinin köməkçisi,  Azadlıq qəzetinin direktoru Faiq Əmirovun məhkəmə prosesi keçirilib. Onun barəsində həbs qətimkan tədbirinin uzadılması ilə bağlı Nəsimi rayon məhkəməsinin qərarından verilmiş şikayət təmin edilməyib. Vəkil Fəxrəddin Mehdiyev onun barəsindəki ittihamın əsassız olduğunu, bununla bağlı heç bir istintaq hərəkətinin aparılmamasını, eləcə də səhhətində ciddi problemlərin olmasını əsas gətirərək  Faiq Əmirovun barəsindəki həbs qətimkan tədbirinin dəyişdirilməsini xahiş edib. Hakim isə prokuror Səttar Rzayevin bir kəlmə “şikayət təmin edilməsin” fikrini üstün tutaraq Faiq Əmirlinin həbsdə qalması barədə qərar verib.

Vəkil məhkəmənin qərarından Avropa İnsan Hüquqları Məhkəməsinə şikayət ediləcəyini bildirib. “Artıq Faiq Əmirovun həbsi ilə Avropa İnsan Hüquqları Konvensiyasının 5-ci maddəsinin (Azadlıq və toxunulmazlıq hüququ) pozulması barədə şikayətimizi bir həftə öncə Avropa İnsan Hüquqları Məhkəməsi icraata götürüb”, – deyə vəkil bildirib.(azadliq.info)