Azərbaycan Respublikası Prezidenti yanında QHT-lərə Dövlət Dəstəyi Şurasının yardımı ilə “Regional Sosial Araşdırmalar” İctimai Birliyi “Gənclərin məşğulluğuna həsr olunmuş araşdırmaların aparılması və ictimai müzakirənin təşkili” layihəsi çərçivəsində növbəti ictimai müzakirəsini bu gün,oktyabrın 10-da Sabirabad şəhərində keçirib.
Media-fakt.info Shirvan.info-ya istinadən məlumat verir ki, Birliyin sədri və layihənin rəhbəri Şükür İzzətoğlu layihə haqqında geniş çıxış edib. O qeyd edib ki, layihənin əsas mahiyyəti regionlarda gənclərin məşğulluq vəziyyətinin səviyyəsini öyrənmək və işsizliyin əsas səbəblərini aşkar etməkdən ibarətdir. Layihə vasitəsilə dövlətin məşğulluq siyasətində işsız gənclərin yeri, onlar üçün yeni iş yerlərinin yaradılması mexanizmi, qeyri-məşğul gənclərin sosial müdafiəsinin gücləndirilməsi sahəsində görülən işlər, cəmiyyətin inkişafı üçün gənclərin əməyindən səmərəli istifadə edilməsi yollarının axtarılması həyata keçiriləcəkdir.
