22 apreldə Ermənistanın Gümrü şəhərində qətlə yetirilən 102 saylı hərbi bazanın müqaviləli hərbçisi, Rusiya vətəndaşı Dmitri Yalpayevin qatilinin cəzasının yüngülləşdirilməsi istiqamətində proses başlayıb.

Musavat.com erməni mediasına istinadən xəbər verir ki, qətldən bir neçə saat sonra polis qətldə şübhəli bilinərək həbs edilən A.Djandjuqazyanın vəkili Aramais Ayrapetyan mətbuata maraqlı açıqlamalar verib. Vəkilin dediklərindən belə aydın olur ki, müdafiə tərəfi qatili “dəli” adı ilə xilas etmək istəyir. Müdafiəçi deyib ki, artıq müvəkkilini qanunvericiliyin tələbinə uyğun şəkildə dindiriblər.

Həmçinin qatillə bağlı zəruri tibbi müayinələr həyata keçirilib. Ekspertiza nəticələrinin gözlənməsi səbəbindən hələlik cinayətkar barəsində qətimkan tədbiri seçilməyib. “Mənim müdafiə etdiyim şəxsin psixi problemləri var” deyən vəkil iddia edib ki, məhz psixi pozuntuların olması səbəbindən Djandjuqazyan 3-4 ay hərbi xidmət keçdikdən sonra ordudan tərxis olunub.