Bu gün, Azərbaycanda Müstəqillik günü kimi qeyd olunur.

Müstəqillik Aktı 1991-ci il oktyabrın 18-də Azərbaycan Ali Soveti (parlament) tərəfindən qəbul edilib.

SSRİ-nin mövcudluğunun son aylarına təsadüf edən hadisə, Azərbaycanın 70 il rəsmi Moskvanın təsiri altından çıxmaq üçün atılan ilk rəsmi addımlardan idi.

Həmin gün, Ali Sovetin növbədənkənar sessiyasında, dörd günlük müzakirələrdən sonra 360 deputatdan 258-i sənədin qəbul edilməsinin lehinə səs verib.

Digərləri ya sessiyaya qatılmayıb, ya da sənədin əleyhinə səs veriblər.

Arif Rəhimzadə – deputat, Milli Məclisdə komitə sədri,

Yaşar Əliyev – Azərbaycanın BMT-dəki nümayəndəsi,

Abbas Abbasov – baş nazirin sabiq birinci müavini,

Fikrət Sadıqov – “Azərkimya” DŞ-nin keçmiş prezidenti

Samur Novruzov – sabiq nazir, vəfat edib

Eldar İbrahimov – MM-in Aqrar Siyasət komitəsinin sədri

Şaitdin Əliyev – sabiq deputat, MSK üzvü

Gülnarə Qurbanova – işsiz, Şıxəli Qurbanovun qızı

Mixail Zabelin – YAP Siyasi Şurasının üzvü, deputat

Soltan Məmmədov – biznes fəaliyyətilə məşğuldur

Zeynəb Xanlarova – xalq artisti, deputat

Madər Musayev – iş adamı, Binəqədi rayonunun “əbədi” deputatı

Yaşar Rzayev – Lənkəranın keçmiş icra başçısı

Gennadi Timoşenko – sabiq deputat

Həsən Həsənov – keçmiş baş nazir, Macarıstandakı səfir

Əli Həsənov – Baş nazirin müavini,”Qaçkınkom”un sədri

Şair Həsənov – Mənzil Kommunal Təsərrüfatı Komitəsi sədri

İrşad Əliyev – sabiq Kənd Təsərrüfatı naziri, Beyləqanın İcra başçısı

Əhməd Əhmədzadə – Su və Meliorasiya komitəsinin sədri

Aslan Süleymanov – işsiz

Arif Ağayev – Yasamalın keçmiş icra başçısı

Şamil Həsənov – Ağcəbədinin keçmiş icra başçısı

Sahib Əkbərov – Kəlbəcərin icra başçısı

Tapdıq Kamalov – sabiq deputat

Rüfət Əsədov – NK-da şöbə müdiri

Tofiq Bağırov – Cəlilabadın keçmiş icra başçısı

Arif Mövsümov – NK-da şöbə müdiri, vəfat edib

Cahangir Hüseynov – deputat

Mirhəmzə Əfəndiyev – Belçikadakı sabiq səfir

Telman Orucov – ADP-nin keçmiş katibi

Çingiz Sadıqov – Tərəqqi Partiyasının sədri

Konstitusiya Aktı kimi qəbul olunan sənəddə müstəqil Azərbaycanın 1918-1920-ci illərdə mövcud olan Azərbaycan Xalq Cümhuriyyətinin varisi olduğu qeyd olunub.

Sənəd həmin il dekabrın 29-da ümumxalq referendumuna çıxarılıb və qəbul edilib.

Həmin zamandan bayram kimi qeyd edilən Müstəqillik Günü qeyri-iş günü olsa da, 2006-cl ildə Milli Məclisin qəbul etdiyi və prezident İlham Əliyevin təsdiq etdiyi qərarla bayram günü kimi qalaraq, iş günü elan edilib.

Meydan TV