Zığ şosesində 175 saylı xətt üzrə (Xətai metrosu-Hövsan qəsəbəsi) hərəkət edən avtobusun aşması nəticəsində xəsarət alaraq xəstəxanaya yerləşdirilən 15 şəxsin kimliyi bəlli olub.3 saylı şəhər Xəstəxanasından APA-ya bildirib ki, xəsarət alanların hamısına tibbi yardım göstərilib.
Xəsarət alanlar bunlardır:
Həsənov Taleh (1998)
Qurbanova Mətanət (1960)
Məhərrəmov Elcan (2003)
Nəbiyeva Səliqə (1959)
Ağayeva Səbirə (1975)
Məmmədli Aygün (2002)
Namazov Sədi (1938)
Məmmədov Rüstəm (1964)
Teymurova Afət (1974)
Yedyarova İrina (1975)
İsgəndərova Aygün (1981)
Savgin Vasiliy (1975)
Hüseynli Müşfiq (1998)
Babayeva Tahirə (1936)
Cəfərova Sevda (1961)
***
Zığ şosesində avtobusun aşması nəticəsində xəsarət alan 12 nəfər xəstəxanaya yerləşdirilib.
Bunu APA-ya Səhiyyə Nazirliyinin mətbuat xidmətinin rəhbəri Liya Bayramova deyib.
L. Bayramova onların 3 saylı şəhər Xəstəxanasına yerləşdirildiyini və müvafiq tibbi yardım göstərildiyini bildirib.
***
Bakıda sərnişin avtobusunun qəzaya uğraması nəticəsində xəsarət alanların sayı açıqlanıb.
APA-nın xəbərinə görə, ilkin məlumatlarda hadisə nəticəsində 14 nəfərin xəsarət aldığı bildirilir. Onlardan ikisi azyaşlıdır.
Xəsarət alanlar 3 saylı şəhər Xəstəxanasına yerləşdirilib. Xəstəxanadan bildirilib kİ, hazırda onlara müvafiq tibbi yardım göstərilir.
***
Bakıda sərnişin avtobusu aşıb.
APA-nın xəbərinə görə, hadisə Zığ şosesində baş verib. 175 nömrəli marşrut üzrə hərəkət edən avtobusun dərəyə aşması nəticəsində xəsarət alanların olduğu bildirilir. Xəsarət alanlar təcili tibbi yardım avtomobili ilə xəstəxanaya aparılıb.
Hadisəyə səbəb kimi avtobusun yüksək sürətlə idarə edilməsi göstərilir.
Faktla bağlı araşdırma aparılır.
