Mayın 4-də Masallı məhkəməsində AXCP Ali Məclisinin üzvü Laçın Əsgərlinin işdən çıxarılması ilə bağlı şikayətinə baxılıb. L.Əsgərli işlədiyi məktəbdən siyasi mövqeyinə görə işdən çıxarılmasından şikayətçidir. Hakim Anar Alməmmədovun sədrliyi ilə keçən proses L.Əsgərlinin əleyhinə qərar çıxarıb.

Laçın Əsgərlinin işdən çıxarılmasına əmr verən məktəb direktoru proses zamanı ifadə verərkən etiraf edib ki, Laçın bəy çox yaxşı müəllimdir, onun işindən narazılığı olmayıb. Deyib ki, bu məsələdə onluq bir iş yoxdur, onun da rəhbərliyi var.