Jurnalistlər üçün tikilmiş ilk binada problemlər davam etməkdədir. 

Demokrat.Az  xəbər verir ki, həmin binanın sakini, jurnalist Rəşad Süleymanov özünün “facebook” səhifəsində adıçəkilən binada baş qaldırmış problemlərdən bəhs edib:

“Birinci Jurnalistlər Binasının zirzəmisinin birinci mərtəbəsi su ilə dolub. Qəza vəziyyəti yaranır. Suyu kənara vuran nasoslar işləmir. Üstəlik yanğınsöndürmə xətti sıradan çıxıb. Evpulu üçün gündə zəng edən komendant məsuliyyətsizlik göstərir, heç nə ilə maraqlanmır. Bu gün 112 çağırış xidmətinə və Azərsuya zəng edəcəm. Binada işi pul yığmaq olan Dünyamin adlı zat barədə də qonşular gəlin DTX yə müraciət edək. Bunun kimliyini araşdırsınlar. Mərtəbələrin qəza çıxışını bağlatdıran, yanğın nasoslarının işləmədiyini FHN – dən gizlədən, binanın qəza vəziyyətinə düşməsinə şərait yaratdıran bu adam hesab edirəm hansısa sabotaja hazırlaşır. Allah qorusun, sonra bir şey olsa demədi deməyin”.