Bu gün Almaniyanın paytaxtı Berlində şahmat üzrə İddiaçılar turnirinin XIII turunun görüşləri keçirilir. Azərbaycan təmsilçisi Şəhriyar Məmmədyarov ağ fiqurlarla rusiyalı Aleksandr Qrişukla oynayıb və rəqibinə qalib gəlib.

Eyni zamanda, amerikalı Fabiano Karuana erməni rəqibi Levon Aronyanı udub.

Beləliklə, turnirin sonuna bir tur qalmış Karuana 8 xalla yenidən liderliyə yüksəlib. Məmmədyarov liderdən yarım xal geri qalır.