Şirvan şəhər sakini aralarında yaranan münaqişəyə görə qonşusunu maşınla qəsdən vurub.

APA-nın məlumatına görə, Şirvan şəhəri, Y.Çəmənzəmənli küçəsində yaşayan qonşular arasında münaqişə yaranıb. Daha sonra qonşulardan biri avtomobillə digər qonşunu vurub. Nəticədə ağır bədən xəsarətləri alan 1996-ci il təvəllüdlü Şıxıyev Rahim Şıxı oğlu Şirvan Şəhər Xəstəxanasının reanimasiya şöbəsinə yerləşdirilib.

Həkimlər ona ilkin olaraq çanağın əzilməsi diaqnozu qoyublar.

Faktla bağlı Şirvan Polis Şöbəsində cinayət işi açılıb, araşdırma aparılır.