Ermənistan baş naziri Ovik Abramyan bu gün hökumətin iclasından sonra istefa verdiyini elan edib.

Abramyan Ermənistan cəmiyyətində qütbləşmənin olduğunu və bunun daxili və xarici səbəblərdən irəli gəldiyini deyib. Dövlət isə keçid iqtisadiyyatının doğurduğu problemlərlə üz-üzədir. Ona görə də bu vəzifələrin öhdəsindən yeni hökumət gəlməlidir.

Abramyanın yerinə namizəd kimi Rusiyanın “Qazprom” şirkətinin Ermənistandakı törəmə şirkəti “ArmRosqazprom”un direktoru, İrəvanın keçmiş meri Karen Karapetyan göstərilir.