Avqustun 20-də yerli vaxtla 22:40-da baş verən terrorda ölənlərin sayı artır. Qazıantep valisi Əli Yerlikayanın verdiyi son məlumata görə, ölənlərin sayı  50 nəfərə çatıb.

***

Türkiyənin Qazıantep şəhərində toy şənliyi zamanı törədilən partlayış nəticəsində 30  nəfər ölüb, 94 nəfər yaralanıb.

Bu barədə Qazıantep valisi Əli Yerlikaya bildirib. O hadisəni terror aktı adlandırıb.

Baş nazirin müavini Mehmet Şimşək  NTV telekanalına açıqlamasında partlayışın terrorçu qadın-kamikadze tərəfindən törədildiyini bildirib.

Partlayışın İŞİD terror qruplaşmasının üzvü tərəfindən törədildiyi ehtimal olunur.