Gürcüstan Avropa İttifaqı (Aİ) ölkələri ilə vizasız rejimə bu ilin oktyabr ayında müvəffəq olacaq.

Bu barədə Avropa İttifaqının (Aİ) Avropa qonşuluq siyasəti və genişlənmə məsələləri üzrə komissarı Yohannes Han Batumidə bildirib.

O deyib ki, Gürcüstan viza rejiminin liberallaşdırılmasına dair bütün şərtləri həyata keçirib: “Bu, Gürcüstan höküməti tərəfindən müvəffəqiyyətli reformaların həyata keçirilməsi nəticəsində baş tutub”.

Qeyd edək ki, Y.Han Gürcüstanda iki günlük səfərdədir. Hazırda o Batumidə keçirilən “Gürcüstanın Avropa yolu” beynəlxalq konfransda iştirak edir.