Avropa Liqasının 1/4 final mərhələsində Fransada keçirilməli olan “Liyon” – “Beşiktaş” oyununun başlaması yubanır.

Axar.az xəbər verir ki, stadionda azarkeşlər arasında dava düşüb. “Lion” və Türkiyə təmsilçisi “Beşiktaş” azarkeşləri tribunalardan meydana axışıblar.

Tribunalardan meydana 2 minə yaxın azarkeş enib. “Lion”un prezidenti Jan-Mişel Aulas azarkeşləri sakitləşdirməyə çalışır.

TRT-1-dən verilən məlumatda tribunaya səs bombaları və məşəllərin atıldığı və bunun üzərinə tərəfdarların sahəyə endiyi bildirilib.