Yaponiyanın “Toshiba” şirkətinin Direktorlar Şurasının sədri Siqenoriv Siqa bu gün istefa verdiyi açıqlayıb.
“APA-Economics” “Euronews” telekanalına istinadən xəbər verir ki, atdığı addımın səbəbi kimi S. Siqa maliyyə böhranını göstərib.

O istefaya getdiyini açıqlamamışdan öncə məlum olub ki, şirkət nüvə sənayesində 6 mlrd. dollarlıq zərərlə üzləşib.
Bundan öncə konqlomerat maliyyə hesabatının açıqlanmasını təxirə salıb. Maliyyə hesabatının açıqlanması azı 1 aylıq təxirə salınıb.
S. Siqa istefaya getdiyini açıqladıqdan sonra şirkətin səhmləri 8% ucuzlaşıb.