Türkiyə kubokunda 1/8 final mərhələsinə yekun vurulub. Qol.az-ın məlumatına görə, son oyun günündə 1/4 finalın daha iki iştirakçısı müəyyənləşib.
“Antalyaspor” öz meydanında “Kayserispor”u qəbul edib. İlk görüşdə 3:1 hesablı qələbə qazanan Kayseri təmsilçisi cavab görüşündə də meydanı qələbə ilə tərk edib.
“Qalatasaray” isə səfərdə “Bucaspor”un qonağı olub. İlk görüşdə olduğu kimi, cavab matçında da “Cim-Bom” qələbə qazanıb. Fatih Terimin komandası 3 cavabsız qolla üstün olub.
Türkiyə kuboku
1/8 final, cavab oyunları
18 yanvar
“Antalyaspor” – “Kayserispor” 0:2
Qollar: Villiam, 30, Boldrin, 80
İlk oyun – 1:3
“Bucaspor” – “Qalatasaray” 0:3
Qollar: Qomis, 33, Öztekin, 44, Feqouli, 53
İlk oyun – 0:3
Qeyd edək ki, daha əvvəl “Konyaspor”, “Giresuspor”, “Gənclərbirliyi”, “Fənərbaxça”, “Beşiktaş” və “Akhisar Belediyyespor” da 1/4 finala adlayıb.
