Azərbaycan Avropa Məhkəməsinə şikayət «ixrac» edir

Azərbaycan hökuməti rüsvayçılıq bolluğuna düşüb. Hansı daşın altını qaldırsan, hökumətin əyri əməlləri boylanır. Ölkədəki eybəcər mənzərə o qədər şəffaflaşıb ki, dünyanın istənilən yerindən bu mənzərəni görmək olur.

Artıq qanunların işləməməsi, hüquqsuzluq, məhkəmə sisteminin məhv edilməsi beynəlxalq hüquq səviyyəsində təsdiqini tapıb.   Avropa Məhkəməsi ard-arada Azərbaycanla bağlı qərarlar qəbul edir, Azərbaycan hökumətindən haqqını oğurladığı insanlara təzminat verməsi tələb olunur.