Baş nazirin müavini, “Qaçqınkom”un sədri Əli Həsənovun nəvəsi Nail Allahverdiyevin “Mercedes Galendevagen”lə törətdiyi qəza barədə yeni faktlar üzə çıxıb. Qəza zamanı sükanda N.Allahverdiyevin olması barədə DİN mətbuat xidmətinin açıqlamasının ardından bunu təsdiqləyən görüntülər də yayılıb. Sosial şəbəkələrdə N.Allahverdiyevin hadisədən sonrakı görüntüsü yayılıb. Fotodan da görünür ki, o, ağır xəsarətlər alıb və huşsuz vəziyyətdə yerdə uzanıb. Bundan başqa, hadisə yerindən videokadrlarda da N.Allahverdiyev görünür.