“Bəzi soydaşlarımı kədərləndirməli olacam. Avropa Birliyi ölkələri siyasi sığınacaqla bağlı qaydaları xeyli sərtləşdirib. Son 6 ay ərzində xeyli şəxsə oturum verməkdən imtina edilib. Belə şəxslərdən 3 nəfərini tanıyıram, bir xeyli şəxsə də dəstək məktubu verməkdən imtina etmişəm”.  Gununsesi.info xəbər verir ki, bunu özünün sosial şəbəkədəki hesabında tanınmış hüquq müdafiəçisi Anar Məmmədli yazıb.

İnsan hüquqları müdafiəçisinin sözlərinə görə, buna səbəb  ölkəni tərk edənlərin getmə səbəblərində səmimi və dürüst olmamasıdır. Anar Məmmədli  daha sonra yazır: “Tövsiyyə edərdim ki, ciddi və tutarlı siyasi və hüquqi əsaslar olmadan siyasi sığnacaq üşün müraciət etməyəsiniz, uğursuz cəhdiniz sizin özünüz və ailəniz üçün havayı vaxt itkisi ola bilər.
İqtisadi səbəblərdən ölkəni tərk etmək istəyənlərin getdikcə çoxalması üzücü olsa da, anlaşılandır. Ancaq bu cür səbəblər siyasi amillərlə “bəzənməməlidir””.