Venesuela Bolivar Respublikasının prezidenti Nicolas Maduro oktyabrın 21-də Azərbaycana gəlib.

Venesuela prezidentinin Azərbaycanla yanaşı, Səudiyyə Ərəbistanı, İran və Qətərə də səfər edəcəyi bildirilirdi.

Oktyabrın 20-dən başlayan dörd günlük turnenin məqsədinin neft ixracını azaltmaqla bağlı danışıqlar aparmaq olduğu söylənir.

***

Venesuela Prezidenti Nikolas Maduro Azərbaycana səfər edəcək.

Bu barədə Venesuela hökumətinin yaydığı rəsmi açıqlamada deyilir. Səfərin məqsədi neft hasilatının dondurulması ilə bağlı məsələləri müzakirə etməkdir.

Məlumatda deyilir ki, o əvvəlcə Neft İxrac Edən Ölkələrin Təşkilatına (OPEC) üzv ölkələrə, daha sonra isə qeyri-üzv ölkələrə səfər edəcək. Səfər çərçivəsində onun Azərbaycanla yanaşı İran, Səudiyyə Ərəbistanı və Qətərə də gedəcəyi planlaşdırılır.

Qeyd edək ki, N.Maduro artıq cümə axşamından etibarən səfərinə başlayıb və səfər ümumilikdə 4 gün davam edəcək. (Report)