Azərbaycanlı siyasi mühacirlərin təşkilatı – AND (“Azərbaycanda demokratiya naminə” təşkilat) bu gün Almaniyanın Düsseldorf şəhərində aksiya keçirib.

Aksiya iştirakçıları Azərbaycanda repressiya siyasətini, vətəndaşların siyasi motivlərlə təqib olunmasını pisləyiblər.

Nümayişçilər siyasi məhbusların portreti olan plakatlar qaldırıblar və onların azadlığa buraxılmasını tələb ediblər.

Aksiya iştirakçıları beynəlxalq birliyi Azərbaycanda insan hüquqlarının pozulmasına laqeyd qalmamağa çağırıblar.