Bu gün səhər Fransanın Tuluza şəhərində Azərbaycan vətəndaşı Rəhim Namazov güllələnib. Atəş açılarkən onun həyat yoldaşı və uşağı da yaralanıb, xəbəri Fransa KİV-ləri yayıb.

Fransa hakimiyyətinin məlumatına görə, Namazov Azərbaycanlı mühacirdir, o, 2010-cu ildə özünü jurnalist kimi təqdim edərək, sığınacaq alıb.

Onun sözlərinə görə, o, “Əlillər” və “Hakimiyyət” qəzetlərində işləyib, korrupsiyanı və saxtakarlıqları ifşa edib.

Amma bu şəxs jurnalistlər arasında tanınmır və Youtube-da videomüsahibədən göründüyü qədər, mətbuatdan kifayət qədər uzaq insandır.

Bəzi məlumatlara görə, onun Azərbaycanda fırıldaqçılıq maddələri ilə üç məhkumluğu olub.